¿Qué somos tu y yo agora?

Nun me digas que nunca
nun conocieres L’Edén.
Nun m’entrugues
qué ye lo que somos.
Alcuérdate d’aquella,
Yá fai tiempu d’eso,
cuando t’enguedeyabes
ente les mios piernes
y xugábemos
a númberos máxicos.
¡Y entá entrugues
qué ye lo que somos
tu y yo agora!
¿Qué vamos ser?
Un Adán y una Eva
D’un paraísu yá perdíu.

Xénesis

Homes y muyeres siguieron estropiando la vida que los arrodiaba y entós Dios pensó otra vez nun diluviu. Depués paeció-y meyor da-yos otra oportunidá y nun romper el pactu que ficieran cuantayá (amás nun taba la cosa pa esperdiciar tanta agua). Foi muncho más tarde, viendo que too siguía igual de mal, cuando por fin se-y ocurrió’l castigu...